熊蓋站 - 首頁

《  Plurk Twitter 》   

» 您尚未 登入 | 註冊 | 說明 | 娛樂中心 | 點歌 | 聊天留言 | 最新 | 精華 | 論壇 | 資訊 | 首頁 | 影音模式

以文本方式查看主題

-  熊蓋站 (http://localhost/phpwind//index.php)
--  鬼話連篇 (http://localhost/phpwind//thread.php?fid=143&page=2)
--  【轉貼】紅磡第九樓鬼屋 (http://localhost/phpwind//read.php?fid=143&tid=4531)
--  作者：long
--  發佈時間：2005 05 17 9:09 AM

--  【轉貼】紅磡第九樓鬼屋


紅磡第九樓鬼屋

時間：七、八年前•地點：紅磡舊區•人物：Bo Bo

我住o係舊區o既唐樓。呢棟樓好多都係獨居老人，因為後生o既都搬去有電梯o既樓宇，懶得爬樓梯。

我住八樓，同阿婆一齊住。九樓係天棚，由細到大，阿婆都叫我唔好上去玩。不過有次實在太悶，所以我一個人上去玩。嗰時大約六、七點，我見到有個阿婆o係度晾衫。我望住佢，好奇，但係個阿婆對腳根本睇得唔清楚。我企o左一陣，唔知點解有啲驚，就走o左。夜晚我同阿婆講起呢件事，阿婆即刻鬧我，唔准我再去天棚。

到第二日，我放學返屋企，o係樓梯望上去，又見到個阿婆o既背影。我認得佢係天棚嗰個。但係因為日光日白，我覺得冇乜可能係嗰啲o野，所以我好大膽行上前，仲叫個阿婆借歪畀我行過去。唔知點解個阿婆拎轉頭，成塊面好灰，佢好細聲話：「細路，你趕住去死呀！」我冇理佢，就即刻走返屋企。

但係轉完一個彎又一個彎，走o左差唔多有十七、八層樓都未見到自己間屋門口。嗰時我好驚，想行返轉頭，又驚再遇到個阿婆。所以拚命走上樓，但係愈走愈唔對路。我定一定神，心入便唸聖母經，終於行o左一層，就見到自己間屋門口。我好驚咁拍門。我阿婆見到我成個樣青晒，問我咩事，我驚到唔敢答佢。

當晚我就即刻病，仲夢到個阿婆拍我屋企度門。我阿婆去開門，仲同佢話：「你唔使咁心急，實會同你一齊走。」呢個夢，我有唔吉祥預兆，我發o左成晚燒，第二晚就好返。

阿婆搵個人返o黎睇過間屋。師父話其實隻o野係搵錯人。佢以前住o係我屋企，佢係想搵返自己個老伴，不過個老伴已經搬走o左，所以佢想搵替死鬼。我阿婆畀錢佢做o左場法事。

但係過o左半年，我運氣都唔係幾好。唔係跌傷就係有病要睇醫生。我阿婆過年時屋企打掃跌親，就送入院。第二晚佢同我講：「有人接我，你唔使擔心我。」第三晚佢就過o左身。我阿媽話阿婆同我擋殺氣！之後我冇再o係呢間屋企住，搬返去同阿媽住。

李終貴按：我諗BoBo同阿婆o既感情一定好好。終貴阿婆過身時，由於佢生前同終貴一齊起居飲食，佢過身嗰晚，雖然已經送入院，但係我嗰晚一直發燒，直到佢斷氣，先至自動退燒，好似有預兆咁！

v 最新文章        熊蓋站為自由討論論壇，所有個人行為或言論不代表本站立場。文章內容如有涉及侵權請聯絡我們，將立即刪除相關文章資料        v 精華文章

               

奇摩搜尋
完全比對 或 模糊比對

線上收看： 景點即時影像 | 線上查詢： 火車時刻表最上方

    Powered by 熊蓋站  Code © 2005-2017 Plurk Twitter 
讀取秒數Time 0.011092 second(s),query:2 Gzip enabled
   現在時間是 2024-11-27 20:48