-- 作者：NICO
-- 發佈時間：2006 01 17 3:15 PM
-- King Kong (King Kong)
King Kong (King Kong)
1933年美國，一個充滿神秘及浪漫的年代，亦是對世界充滿探險精神的氛圍。積伯克飾演的一名企業家、冒險家及電影製作者率領一群拍攝隊伍來到荒島拍攝，其中包括了女主角安及編劇積克。就在這個荒島，安及攝製隊受到恐龍及蠻夷的襲擊，可是安的叫聲卻換來King Kong的回應；這隻巨大無比的猩猩，連兇悍的恐龍亦懼怕牠幾分，偏偏King Kong卻鍾情於安；安將King Kong由荒島帶到紐約，卻是牠悲劇命運的開始。
影評
本片改編自1933年RKO Radio Pictures Film出品的同名經典電影，金像導演彼得積遜，普世震撼，2005再創震撼視覺經驗鉅製KING KONG，集驚慄、愛情、歷險、特技等多項元素。
轉貼至yahoo
首先,等我講下我今日睇完套戲,有d咩感受啦~初初想睇呢套戲係因為之前睇頭文字d既時候,已經有kingkong既預告,於是睇下個預告呢,就覺得呢一套戲好多特技,而且好有其劇情,於是我就決定上呢套戲既時候,一定會去睇!!!
經過今日睇完呢套戲之後,我覺得100分入面值85-90分,原因如影評所講,集合左驚險既場面,人類自私既一面,動物同人之間感動既鏡頭,仲有歷險既緊張情節,驚嚇係因為戲入面既蟲蟲、配樂同埋血腥既鏡頭-.-""真係嚇到你會有少少驚d蟲@0@成套戲除左有d鏡頭悶悶地交代劇情之外,由女主角上船個一刻,就開始越來越好睇!!!一路就越來越緊張,去到差唔多完既時候，雖然有少少拖長黎做,但係個一刻你唔會覺得悶,因為係有d野啟示你!!套戲好似講到kingkong好暴力咁,但係其實kingkong都有幽默既一面架,某d鏡頭真係幾好笑架!^^原來佢都知道我地人類同佢講咩架,呵呵~!如果感情豐富既你,你去呢套戲睇到至死不渝既愛情,真係會睇到你眼濕濕架~!
不過事先聲明,套戲長188分鐘,即係大概3個鐘頭10分鐘,如果你嫌棄睇咁耐的話,就勸你唔好去睇啦!但若果你真係要去睇,請記住睇戲之前,好去定洗手間,因為3個幾鐘頭入面睇少左就唔知佢既劇情有幾緊湊啦~!
另外有野要提醒大家,由於套戲時間比較長,所以戲飛票價需要$70,比平時貴$10架,但你寧願貴少少,就可以睇到一套好戲,絕對係值回票價架
|
